<p class="ql-block"><b>要過新年了，一直講"干凈冬至邋遢年"，今年額冬至太陽老好，難么、伐曉得戈額年天氣會的哪能????</b></p><p class="ql-block"><b>再繼續試試用上海閑話寫兩句——</b></p> <p class="ql-block"><b>兩月兩號 陰天 肆到陸度</b></p><p class="ql-block"><b>今朝是北方額小年(老早好像伐大聽到戈種講法額，要么小年夜)，是講北方小年開始、就是"年"開始了；好伐，個么就掃掃揩揩準備過新年伐。</b></p> <p class="ql-block"><b>兩月肆號 落雨 叁到陸度</b></p><p class="ql-block"><b>戈額小人阿是蠻折騰額，尋了額落雨天搬場，戈算是"有財有勢(水)"？好伐好伐，借額"吉時"、接下來順順當當......</b></p> <p class="ql-block"><b>兩月陸號 陰絲呱嗒 壹到叁度</b></p><p class="ql-block"><b>真額有點像是"干凈冬至邋遢年"了？戈兩天一直雨水嘀嗒、陰絲呱嗒，難過來！埔了窩里畫兩張圖備了嗨，到辰光做兩張過年祝福卡，阿算是"自創"來、伐是"舶來品"??(ˊωˋ*)??</b></p> <p class="ql-block"><b>兩月捌號 多云 壹到柒度 小年夜</b></p><p class="ql-block"><b>小年夜了，先自噶窩里三個人小年夜過起來，戈小人搬到噶遠額地方去，下趟阿伐曉得會的多少辰光回來恰趟飯......</b></p> <p class="ql-block"><b>兩月玖號 多云 壹到伍度 大年夜</b></p><p class="ql-block"><b>今年額大年夜窩里鬧猛來，阿妹妹夫勒勒上海過年、大頭外甥外甥新婦勒勒上海過年、再加上阿拉一家，老媽今年開心了。今朝勒勒阿妹窩里自噶燒，冷盆熱炒、年年有魚、柿柿如意...過年額彩頭一樣伐少</b></p> <p class="ql-block"><b>兩月拾號到拾貳號 天老好額 叁到拾伍度之間</b></p><p class="ql-block"><b>年初一到年初三、老天爺還是老幫忙額，太陽老好、阿蠻暖熱，尋了只好勒勒一道鬧猛過年額地方----太陽島森林別墅。聚勒一道看舞獅子、放煙火，到游樂場打打保齡球、射射劍、溜溜冰，捂了別墅里打牌額打牌、唱歌額唱歌，中廊相有太陽額辰光還可以勒勒外頭場地埌弄弄燒烤咭，回來額辰光順帶便到朱家角去走走，埔埔太陽咭咭茶......</b></p> <p class="ql-block"><b>兩月拾叁號到拾陸號 四天里頭落了一天雨 </b><b>兩到廿貳度</b></p><p class="ql-block"><b>年初四到年初七，四天里頭從最高溫度廿貳度跌到最低溫度兩度，戈天氣真額是恰伐消：</b></p><p class="ql-block"><b>初四：休整、埔勒窩里，圍爐家庭影院看《非誠勿擾3》</b></p><p class="ql-block"><b>初五：今年額迎財神跟情人節碰了一道了，天氣阿老暖熱，到曲水園兜了一圈</b></p><p class="ql-block"><b>初六：落雨了、但是約了好朋友，戈肯定是伐好錯過額，尋了只室內額地方、咭咭下午茶嘎嘎噻唔阿是老開心額。</b></p><p class="ql-block"><b>初七：天到是蠻好額、就是有點冷，就勒勒窩里整理整理陽臺埌相額花花草草伐，交關辰光么關心伊拉了</b></p><p class="ql-block"><b>...... ...... ......</b></p><p class="ql-block"><br></p> <p class="ql-block"><b>兩月廿號以后 </b><b>一日到夜勒勒落雨 </b><b>冷么冷來索索抖</b></p><p class="ql-block"><b>元宵節前頭幾天，開始"倒春寒"了，一天到夜滴滴答答、溫度阿老低，冷的來呱呱抖，只好勒勒窩里整理整理戈號頭畫額圖。</b></p> <p class="ql-block"><b>兩月份辰光少、下半額號頭天又伐好，記錄額事體阿就少了，只好抬慢大家隨便看看了( ??? ? ??? )......</b></p>
主站蜘蛛池模板：
渑池县|
三门县|
万盛区|
台南市|
井陉县|
肇源县|
尉氏县|
宁晋县|
绩溪县|
彭水|
北安市|
诸城市|
从化市|
龙里县|
崇礼县|
云和县|
房产|
垣曲县|
神池县|
托里县|
天台县|
南和县|
水城县|
马关县|
宜兰县|
东安县|
英山县|
济宁市|
二手房|
临湘市|
南乐县|
信丰县|
鄂尔多斯市|
湄潭县|
茂名市|
定南县|
壶关县|
平罗县|
资源县|
都昌县|
南皮县|