<p class="ql-block" style="text-align: center;"><span style="font-size: 22px;">《蘇幕遮·燎沉香》合伊的作者周邦彥</span></p><p class="ql-block" style="text-align: center;"><span style="font-size: 20px;">編寫、朗讀：Rongtao</span></p> <p class="ql-block" style="text-align: center;">?蘇幕遮·燎沉香? ? ?宋 周邦彥</p><p class="ql-block">?燎沉香，消溽(liok8)暑。鳥雀呼晴，侵曉窺(kui1)檐(iam2)語。葉上初陽干宿雨，水面清圓，一一風荷舉。 ?故鄉遙，何日去？家住吳門，久作長安旅。五月漁郎相憶否(hoo3)？小楫輕舟，夢入芙蓉浦(poo3)。</p><p class="ql-block">? ? ? ?讀者合聽眾朋友逐個好！汝頂面聽著的是北宋詞人周邦彥的蘇幕遮(zia1)?燎沉香。</p> <p class="ql-block">? ? ? ?即首詞的大意是講：熱--儂（夏季）的透早（清早）醒--起來，著鼻著（就聞到）遐卜趕（那些要驅趕）濕氣點的沉香的芳味。窗仔口簾檐骹的鳥仔嘰嘰啾啾，若[相/同](siang6)咧講，落一暗的雨定咯。親像(ciuN6)囡仔赫古錐跳踏（那么可愛活潑）的鳥仔共我饗(siaN2，引誘)到外口，這誠實是一個清爽的早起，面頭前的景色是則尼仔清麗。日頭光照佇蓮葉面頂，昨暗積的雨珠勻勻仔焦去。水面互圓圓的蓮葉鋪甲滿滿，微風吹--過來，一支一支的荷花對蓮葉中間捅--出來，咧輕輕仔搖，遠遠看--過去，若[相/同](siang6)一陣穿紅衫綠裙踏歌起舞的查某囝仔。</p><p class="ql-block">? ? ? ?面頭前的荷塘，互我想著家己的家鄉著是佇遐（在那）蓮葉田田的江南，則濟年攏佇京城食頭路（任職）。路途赫遠，毋知底何時則有通倒去？我恍惚間飛到啊五月的江南，家鄉遐自細做伙掠魚（那些從小就一起捕魚）的囡仔伴拄佇花開甲旺旺的荷塘咧劃船，恁猶會數念我抑[勿會]？ </p><p class="ql-block">? ? ? ?思鄉是古代詩詞中的永恒主題，上會（尤其能夠）引發天涯游子的共鳴。思鄉的情懷野常借助作者記憶里面印象最深刻遐故鄉的景物來表達，周邦彥的這首《蘇幕遮》著是安尼。用荷塘做媒介，表達對故鄉杭州的數念。即首詞語言樸實自然，毋佫構思真巧，有一種從容雅淡、自然清新的風韻。對清圓的荷葉、五月的江南、漁郎的小船遮景致做虛實變幻的描寫，詞人的思鄉之苦表達甲淋漓盡致。</p><p class="ql-block">? ? ? ? 詞作者周邦彥，字美成，號清真居士，北宋仁宗嘉佑元年佇錢塘出世，伊一生經歷北宋仁宗、英宗、神宗、哲宗、徽宗五朝皇帝的時期。</p> <p class="ql-block">? ? ? ?周邦彥自細著對音律真感興趣。最愛玩味 “曲有誤，周郎顧” 的典故。即個典故是講三國的周瑜若(na3，一邊…… )聽人奏樂若咧啉酒，汝毋通看伊有淡薄醉意，若是演奏稍可有一點仔錯誤，也瞞[勿會]過他的耳空。伊逐擺發現錯誤，著共演奏者看一目，微微仔笑一下，著是提醒撫琴的儂：欸，彈毋著咯。路尾有的水查某（美女）樂師，想卜互周郎加看一目，定定超故意撫毋著琴弦。</p><p class="ql-block">? ? ? ?周邦彥到啊青年時期，著開始流連佇青樓楚館，為歌姬舞女填詞譜曲。《宋史·文苑傳》形容講迄時周邦彥“疏雋少檢，不為州--里推重”。伊這一時期的作品真出格大膽，[勿會]怪咧儂講伊 “放浪”。毋過伊也無偌（不很）在乎主流社會的評價。用伊的生花妙筆，赫尼濟美麗的篇章，去呵咾遐的靈秀的女子。</p><p class="ql-block">? ? ? ?周邦彥二十四歲時，來到汴都做太學生，迄站拄是王安石改革的時期，朝廷新政達到一個高峰。元豐六年，伊寫出一篇會通叫做奇作的《汴都賦》，即篇賦雖然是模仿漢賦，毋過充滿新意。里面用對話的形式，描寫當時汴京的美景盛況，歌頌皇帝英明，佫呵咾王安石變法。宋神宗看著《汴都賦》了后真興，叫儂甲周邦彥召來，合伊佇政事堂交談起來，佫叫李清臣來朗誦即篇文章。李清臣合歐陽修、蘇軾算做[相/同](siang6)一個時期的文人。史冊記講伊“七歲知讀書，日誦數千言”。安尼一位規腹肚墨水的文官，看著即篇《汴都賦》，頭現煞大--起來，因為里面有真濟古文奇字，李清臣攏毋識。抑毋過李清臣一下想，我毋識遮字，皇帝穩當也[勿會]曉。他朗讀的時，遐毋識的字攏共伊讀偏旁，抑是掠勢共伊讀--下去，路尾誠實著互伊蒙混過關。迄時李清臣有五十外歲啊，他佫是互歐陽修呵咾過的大家；安尼來看，周邦彥的文學修養是達到真懸的境界。</p><p class="ql-block">? ? ? ?周邦彥因著《汴都賦》名揚天下，成做文壇的一粒新星，互偌濟青年學子呵咾欣羨。宋神宗對伊嶄然合(gah7)意，共伊對太學諸生提拔做太學正。抑毋過，也拄拄是即篇《汴都賦》互周邦彥續落來幾年的仕途變(biN5)甲野坎碣。因為《汴都賦》中有支持新政的內容，眾人自然攏共周邦彥歸做王安石的“革新派”。五年后，宋神宗過身，王安石失勢，以司馬光為首的守舊派執政，周邦彥著[亻互]擠出京城，去地方任職。這對周邦彥定著是真大的打擊，毋過換一個角度來看，安尼會通互伊了解佫較濟的風土人情，見識佫較豐富；對伊日后的文學創作實在是有好--處的。</p><p class="ql-block">? ? ? ?宋哲宗登基了后，想著周邦彥文采出眾，則佫共伊重新調倒去汴京。對遮起，周邦彥的仕途在近二十年的時間內著攏是順風順水。在宋徽宗時期煞擔任徽猷(iu2)閣待制、提舉大晟(sing6)府，主管音樂機構。這是因為伊佇音樂方面的特殊造詣(gge6)。周邦彥只是一個文人和藝術家，毋是政客。伊的詞作“無一頌圣貢諛(u2)”之作，也無“和韻、步韻”的應酬之作。周邦彥做人、為官的策略著是淡化政治立場。</p><p class="ql-block">? ? ? ?佇周邦彥六十五歲這一年，方臘在睦州清溪起事，周邦彥搬到杭州。不偌久杭州失陷，周邦彥佫避(piah7)到揚州。隔年，著是宋徽宗宣和三--年，伊到南京，破病踮佇鴻慶宮過身，迄年周邦彥六十六歲。</p><p class="ql-block">? ? ? ?周邦彥的一生，無歷經國破家亡的亂世，在仕途頂，雖然有一寡波折，毋佫合經歷過“烏臺詩案”，差一點仔性命煞保[勿會]牢的蘇軾比，抑是合為著改革新政互儂罵甲臭頭的王安石比，周邦彥攏加偌較好字運。欠采伊自本對仕途著無啥大的追求，伊一世儂著是愛做啥就做啥，風流放浪，過甲自由自在。</p><p class="ql-block">? ? ? ?北宋的詞壇，逐個知影是柳俗、蘇雅，風格鮮明，各儂有各儂的派別。周邦彥取柳、蘇之所長，同時救偏補弊，將詞體引入佫較成熟化、典雅化的發展軌跡。應該講，周邦彥藝術頂的開闊氣度較輸柳永，內容頂的拓新境界[勿會]比咧蘇軾，毋過在表現形式頂周詞窮極工巧，毋但講究言情含蘊(un5)清麗、辭句精工圓潤，佫著力于篇章之縝(zin3)密變化、聲律之謹嚴和婉，這是柳、蘇詞未能所及的。周邦彥詞折中于柳俗、蘇雅之間，有以古文、漢賦、六朝小賦和唐宋詩作基礎的渾厚的根基。遮毋但表現在他的詞中融入真濟唐人詩句，也體現佇伊的詞的精神風骨頂，達到了雅俗共賞的至懸審美境界。伊對南宋騷雅詞派的形成，以及雅詞在南宋的繁榮合發展，都起到十分重要的推動作用。</p><p class="ql-block">? ? ? ?周邦彥的詞在宋代就有很大的影響，伊擇調審音攏極講究。伊互現代國學大師王國維推尊做“詞中老杜”。?攏知影杜甫佇唐朝詩壇的地位，對遮也會通看出學者對伊的評價有偌懸。伊傳世的詞作里，野濟是自創調。伊的詞互歌伎(gi6)喜愛佫傳唱，一個重要原因著是伊的作品誠實太好聽。迄時歌女攏因為會通摕著周邦彥的新作來唱身價倍增。</p><p class="ql-block">? ? ? ?伊的詞作，真濟是寫艷情相思主題。后人就安尼共伊看做風月場里的風流才子，將真濟香艷的故事附會到伊身軀頂。佇周邦彥過世兩百外年后，猶有名妓(gi6)演唱他的詞曲，可見伊的影響有偌深。</p> <p class="ql-block">? ? ? ?續落來，我吟即首詞互汝聽。</p> <p class="ql-block">圖片源自網絡，向原作者致謝</p>
主站蜘蛛池模板：
长治县|
逊克县|
甘南县|
朝阳县|
双桥区|
新巴尔虎左旗|
修武县|
长海县|
平原县|
镇雄县|
和龙市|
万宁市|
环江|
浮梁县|
凯里市|
正宁县|
克什克腾旗|
上高县|
青神县|
连山|
阿鲁科尔沁旗|
揭阳市|
丽江市|
云南省|
甘肃省|
景东|
女性|
满城县|
容城县|
阿坝|
镶黄旗|
江西省|
枣庄市|
泰州市|
上杭县|
象山县|
新巴尔虎右旗|
太保市|
榆林市|
都江堰市|
凤凰县|